Жүргізуші: Құрметті қонақтар, ата-аналар!  Мінеки өлкемізге алуан түсті жапырақтарымен айналаны сары алтынға бөлеп күздің  де келіп,  шығуына  аз уақыттар  қалды.   Күз бізге мол өнімін сыйға тартуда. Ендеше, алтын күзімізге арналған мерекемізді  бастаймыз.

                                

Жүргізуші: Ал, балалар, күзде болатын өзгерістерді  тақпақпен айтып беріңдерші.

                               
Тақпақтар:   

 

Ақжан
Жапырқтар сылдырлай,
Алтын күз міне келіпті.
Туған жерін қия алмай, Құстар  ұшып кетіпті.

 

Алихан
Ой балалалар балалар,
Қоңырқай күз келіпті.
Қурап жапырақ солыпты,
Ел егінін орыпты.

 

 Ән «Алтын күз»

 

                                                      Жүргізуші:

Ендеше не тұрыс
Болмасын  тым - тырыс
Тойлайық, күлейік
Қуанып билейік!

                                                Би : «Тамшылар»

 

  

Жүргізуші:  Балалар  қараңдаршы  күз  келді  күн суытып бара жатыр,  біздің  мерекемізде  көңілсіз  болатын  сияқты,  ендеше біз  күнді  шақырайықшы   біздің  мерекемізге  шуағын  шашсын.

 

Бәрі бірге: Шуақты күн, шуақты күн

                   Шуағыңды  шаш бүгін.

                   Мерекеде шаттанайық

                   Құшағыңды аш бүгін

 

                       Бұлттар   келеді

 

Жүргізуші:  Ау  балалар біз  бұлтты  шақырдықпа

Балалар:  ЖОООҚ.

Жүргізуші:  Жаңа ғана   сендердің  тамшыларың  бізде  қонақта  болды.

Бұлттар :  Біз де  күнді  күтіп  тұрмыз.

Жүргізуші:  Ендеше  күнді  бәріміз  шақырайық.     Күн, күн

Күн  кіріп  келеді  айналып,  сол кезде  бұлттар  күнді  қоршап алады да,

              

             Бұлттар:  

   

Біз бұлттармыз,  бұлттармыз

Қолымыздан ұстаймыз.

Көк аспанды торлаймыз,

Күнді жасырып қоршаймыз.

                               

Балалар:        Көрінші бізге қымбатты күн

                        Қуантшы бізді нұр шашып бүгін 
    

Күн:   Қуантар ем бұлттар мені қоршап алды,                                                                                        

           Көк аспанды қара бұлттар торлап алды                                                                      

           Шуағымды шаша алмаймын мен жерге                                                                                           

           Желді  шақыршы көмектессін сендерге.                                                                          

 

Жүргізуші: Күзгі жел, тез келші мұнда қалыспа                                                                              

                      Бұлттарды ұшырып, қушы өте алысқа

 

(Музыкамен жел келеді)

 

Жел:  

Мен күзгі желмін, өте жылдам желемін,

 Бұлттарды алысқа қуу үшін келемін

                      

Бұлттар:    Біз бұлттармыз, үлкеие береміз,  (шеңберді үлкен жасайды)

                    Ашуымызға тисеңдер,

                    Жаңбыр болып нөсерлетіп төгеміз.

 

Жүргізуші:  Бұлттар бұлттар! Біз сендерден қорықпаймыз,

Күнді сөндіре алмайсыңдар.

Күштіміз деп, мықтымыз деп

Мақтануды неге қоймайсыңдар?

 

Жел:  Балалар, бұлттар қанша мықты болса да олар желден қорқады. Сондықтан маған көмек керек, кәне бұлттарды үрлейікші, әйтпесе жалғыз шамам жетпейді.  (Бәрі үрлейді)    

 

Бұлттар:  Ай, ай, ой, ой бізді қуып жатыр, қашайық.

                       (Жел бұлттарды қуып кетеді, күн қалады)   

                          

Жүргізуші: Мінеки балалар,  күзгі жел бұлттарды қуып әкетті. Ал шуақты күніміз ортамызда жарқырап тұр. Енді біздің мерекеміздің шырқын ешкім де бұза алмайды. Жарқын күн!  Мерекеміз одан сайын жандана түссін, бізге шуақты сәулелеріңді шашып, нұрыңды төкші.

Күн:  Жарайды, онда мен бар әлемге шуағымды шашайын.                                             

  Би «Күн сәулесі» (сары ленталармен) (күн шығып кетеді)   

 

Жүргізуші: Қараңдаршы,  балалар, бізге күз ханшасы өзінің  келе жатыр, кане

қарсы алайык.

(Музыкамен күз келеді)

Күз: Сәлеметсіңдер ме балғын балалар! Мені сағына күтіп отырған  боларсыңдар.

Мен астықты жинап, Табиғат –Ананы қыс мезгіліне  әзірлеп қойдым.

Бүгін  мен өзіммен бірге үш айымды ертіп келдім.            

                                                                                                      

Жүрг:  Алтын күз! Келіңіздер, төрге шығып қонақ болып, балалардың өнерін тамашалаңыздар.  Алтын Күз! Саған байлығың мен астығың,  алуан түрлі жеміс-жидектерің мен алтын түске боялған жайлауың үшін мол алғысымызды айтамыз. Жасаған еңбегіңнің алғысы ретінде балалардың өлең шумақтарын қабыл ал.                                                            

Балалар тақпақ айтады

Манур:

Айнала сары ала

Қырманға дән тола

Жемістер пісіпті

Қоймаға түсіпті!

 

Саяжан

Алтынға бояп өңірді,

Күзде келді көңілді.

Бау- бақшада , орманда,

Сары жапырақ төгілді                      

Әділ

Жеміс мол теретін

Күз дос екен бізбенен

Бәрін тауып беретін

Жомарт екен күз деген

 

 С. Нұрасыл

Алтын, сары , қызыл көк

Алуан, алуан  жапырақ

Күзгі бақта  күлімдеп

Көз тартады  жалтырап

 

Ән: «Жаңбыр, жаңбыр  жаусаңшы»         
                                                                                              

                              БИ:  «Жемістер»                                                                                                     

 (Музыка  ойналып,  киінген сырқат бала кіреді)

Алихан:: Ой, мына күз мезгілі қандай суық еді, жаурап барамын. Осы мезгілді ұнатпаймын.Туууу,басым ауырып тұр. Көніл-күйім де болмай тұр. Жаңа маған асыр салып ойнаған балалардың даусы естіліп еді,  солар сендер емессіңдер ме?                                                                                                                       Жүргізуші:Иә, ол біздің балалар. Біз алтын күз мерекесін тойлап отырмыз.

Алихан: Сендерге қарап кызығып тұрмын. Бәрің көңілдісіңдер. Сендердің шаттана қуанған дауыстарың алысқа естіліп жатыр. Ал менің  ауырғаным басылар емес, тұмау болып калған секілдімін.

Жүргізуші:Біздің  не үшін көңілді екенімізді білгің келсе, айтайын. Біз денемізді шынықтырамыз, дұрыс тамақтанамыз, жемістер мен көкөністерді көп жейміз, дәруменге толы шырындар ішеміз. Осының бәрін жайдарлы жаз бен жомарт күз тарту етті, сондықтан біз көңілдіміз.

 Күз: Балақай! Мен саған  да өз жемістерімді  шақырайын.  Олардың құрамында дәрумендер көп. 

Жүргізуші: Алтын күз дұрыс айтады, балақай! Жемістер денсаулыққа өте пайдалы.

                        

 

БИ:  «Жемістер мен көкөністер»

 

Алихан:  Мен енді  түсіндім. Дұрыс айтады  екенсіңдер. Жеміс –жидектер  жеу керек екенін түсіндім, түсіндім. Маған  көмектескендерің үшін рақмет сендерге.  Сау  болыңдар.

Күз: Әндеріңде,  билерің де тамаша екен, өркендерің өссін. Ал енді маған рұқсат беріңдер, мен кетейін. Барып бау-бақшамды тексерейін. Сау болыңдар. Мен  өзімнің  бау – бақшамнан  әкелген  сыйлығымды  сендерге  табыс етейін.

                                                    

Жүрг: Осымен шағын  мерекеміз аякталды, сау болыңыздар.

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•