Ұйымдастырылған ашық оқу қызметі:Қарапайым математикалық ұғымдарды қалыптастыру.

Тақырыбы: «Ғажайып математика әлемі»

«Күншуақ» ересектер тобы.

 

Тәрбиеші:Тажимуратова П.А.

 

2019-2020 оқу жылы

Білім беру саласы:«Таным»,«Коммуникация», «Әлеумет», «Шығармашылық», «Денсаулық»

Ұйымдастырылған ашық оқу қызметі:Қарапайым математикалық ұғымдарды қалыптастыру.

Тақырыбы: «Ғажайып математика әлемі»

Мақсаты:Балалардың қарапайым математикалық түсініктерден алған білімдерін  тиянақтау. Сандарды тура, кері санауға үйрету, тапсырмаларды орындау арқылы баланың қиялын, ой-өрісін, есте сақтау қабілетін, ұсақ қол маторикасын дамыту.Кеңістікті бағдарлай білуге үйрету.(жоғары-төмен,ортасы, оң-сол ұғымдары.Ұйымшыл, көпшіл, шыдамды, сабырлы, шапшаң болуға тәрбиелеу.

Көрнекіліктер: 1-ден 10-ға  дейінгі цифры бар карточкалар, геометриялық пішіндер,қиылған дайын шыршалар,есеп шығаруға қажетті заттар;банкалар,жеміс-жидектер,карандаштар,интерактивтік тақта,мнемокесте.

 1.Ұйымдастыру.

Амандасу.

Шаттық шеңбері.

Тосын сәт.(есік қағылып,бізге хат келеді)

Тәрбиеші:Ой балалар қараңдаршы,бізге хат келіпті.-Қане ашып оқиық.

«Айгөлек»бөбекжай балабақшасының «Күншуақ»ересектер тобының балаларына «Мұз қалашығынан»келіпті.

-Саламатсыздар ма балалар!біз сендерге мұз қалашығынан хат жазып отырмыз.Бізді қар қаншайымы өзінің ұлпа қарларымен сиқырлап қатырып тастады.Сендерден бізді құтқаруға көмек сұраймыз.

Тәрбиеші:-Қане балалар біз Мұз қалашығының тұрғындарына көмектесуге дайынбызба?

Балалар:-Ия.

Тәрбиеші:-Олай болса аяғымыздағы сиқырлы аяқкиіммен Мұз қалашығына барамыз.

-Қане кеттік.(шаңғымен жүру)

Мұз қалашығына келу.   

Тәрбиеші:Ой балалар қараңдаршы,мұз қалашығы қандай суық екен.Олай болса біз қазір қыс мезгілі туралы әңгімелейік.

Интерактивтік тақтамен жұмыс.Мнемокесте.

Мнемокесте арқылы қыс мезгілін әңгімелеу.

 

Қыс туралы тіл жаттығуын айту.

Тақпақ.

Ыс-ыс-ыс далаға келді қыс,

Ар-ар-ар жерге түсті қар.

На-на-на біз тебеміз шана,

Ла-ла-ла қардан соқтық аққала.

Балалармен қайталап айту.

Қар ханшайымы шығады.

-Саламатсыздар ма балалар!-сендер менің мұз қалашығымда не істеп жүрсіңдер?-Бұл жерден не іздеп келдіңдер?-Сендерді бұл жерге кім шақырды?

Тәрбиеші:Саламатсыз ба Қар ханшайымы!Сіздің мұз қалашығының тұрғындарынан біздің балабақшамыздың балаларына хат келді.Олар өздерін Қар ханшайымы қатырып тастағанын айтып,құтқаруды сұрайды.

Қар ханшайымы:Ия балалар мен сендеріңді достарыңды қатырып тастадым.Ол үшін сендер менің тапсырмаларымды орыедайсыңдар.Егер менің тапсырмаларымды орындай алмасаңдар онда мен сендерді де қатырып тастаймын.

-Ал ендеше орындауға дайынсыңдарма?

Балалар:-Ия дайынбыз.

Тәрбиеші:Қар ханшайымы біздің балалар тапсырмаларды орындауға дайын.

Қар ханшайымы:-Ха,ха,ха қазір мен сендердің тапсырмаларды қалай орындайтындарыңды көріп,бақылып отырамын.(мына жерге жайғасып отырып алайын)

1-тапсырма.Сандарды тура және кері санау.(қармен)

Тәрбиеші:қане балалар мына менің қолымдағы қармен сандарды тура және кері санап берейік.(Санау)

Тәрбиеші:Ой жарайсыңдар балалар сендер тапсырманы дұрыс орындадыңдар.

Енді келесі тапсырмамызды орындайық.

2-тапсырма.Кеңістікті бағдарлау.Жеке жұмыс.

Балалар шыршаға (жоғары-төмен,оң жақ,сол жақ)бағдарлап пішіндерді қою.

  

Қар ханшайымы:-Балалар сендер менің бұл тапсырмамды да орындадыңдар.Жарайсыңдар!

Тәрбиеші:Енді келесі тапсырманы орындауға дайынсыңдарма?

Балалар:-Ия.

3-тапсырма.Жануарларды санау.(нешеу?,нешінші?)Жануарлар туралы тақпақ айту.

Тәрбиеші:-Қане балалар,біз мына мұз қалашығында тұрған жануарларды санайықшы.

Балалар санайды.

Балалардан сұрау.

-Барлығы нешеу?-Аю нешінші тұр?-Бұғы нешінші тұр екен?Ал,пингвин ше?

 

Тәрбиеші:-Өте жақсы.Дұрыс айтасыңдар.Енді балалар осы жануарлар туралы тақпақ білесіңдерма?

Тақпақтар.

1.Аю:Томпаң-томпаң жүретін,

Аю үлкен жануар.

Балды жақсы көретін,

Аю деген жануар.

2.Бұғы:Басына өскен тарбиып,

Жапырақсыз бұтағы.

Алады одан қан құйып,

Емге шипа бұл дағы.

3.Пингвин:Аталғанмен құс болып,

Пингвиндер үшпайды.

Көрген емес еш тоңып,

Мухиттарда қыстайды.

Қатар-қатар тізіліп,

Маң-маң басып жүреді.

Сонда жақсы қызынып,

Тоңбайтынын біледі.

Қар ханшайымы:-Балалар сендер менің бұл тапсырмамды да орындадыңдар.

-Қазір мен сиқырлы таяқшаммен жануарларды тірілтемін.(Музыка қосылады,жануарлардың дыбыстары шығады)

Тәрбиеші:Олай болса балалар,енді сергіп дем алайық.

Сергіту сәті:Бұғының үлкен үйі бар.

Әйнектен көзін салып тұр.

Орманнан қашқан бір қоян,

Есікті келіп қағып тұр.

Тық-тық-тық аш есікті,

Орманға аңшы жетіпті.

Қоянжан енді,тұрыс не?

Қолыңды соз кір ішке. (Музыкамен)

 

4-тапсырма.Есептер шығару.(жеміс-жидектермен)Жеке жұмыс.                               

Тәрбиеші:Балалар тапсырманы өте жақсы дұрыс орындадыңдар.Жарайсыңдар!

Тәрбиеші:Енді балалар соңғы тапсырманы орындайық.

5-тапсырма.Жануарларды қоректендіру.(Сызық арқылы)

 

Қар ханшайымы:-Жарайсыңдар,балалар!Сендер менің барлық тапсырмаларымды дұрыс орындап,мұз қалашығының тұрғындарын құтқардыңдар!

-Сендер өте білімді,ақылды балалар екенсіңдер.-Ал мынау менің сендерге арнаған силықтарым және мынау менің сиқырлы таяқшам,бұлда сендерге қажет болып қалар.

 

Енді менде кетуім керек.Қош сау болыңдар!

Балалар:Сау болыңыз!

Қорытындылау.

Тәрбиеші:-Енді балалар біз мына сиқырлы таяқшаның көмегімен тобымызға қайтайық.

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•